በትምህርት ቤቶች የተጀመረው የተማሪ ምገባ ተደራሽነቱ እንዲሰፉ የማኅበረሰቡ ተሳትፎ ይፈልጋል።

በመድረኩም ላይ የባሕር ዳር ከተማ አሥተዳደር ምክትል ከንቲባ አስሜ ብርሌ፣ የባሕርዳር ከተማ የብልጽግና ፓርቲ ቅርንጫፍ ጽሕፈት ቤት ኀላፊ ሞላ ሁሴን፣ የሃይማኖት አባቶች፣ የንግዱ ማኅበረሰብ፣ ባንኮች፣ ኢንተርፕራይዞች፣ በትምህርት እና በጤናው ዘርፍ የተሰማሩ ባለሃብቶች እንዲሁም የግል ትምህርት ቤቶች ተገኝተዋል።

የባሕር ዳር ከተማ አሥተዳደር ምክትል ከንቲባ አስሜ ብርሌ ተማሪዎች በአግባቡ ትምህርታቸውን እንዲጨብጡ፣ ሀገር እንዲገነቡ፣ ለሀገር ዋልታ እና ማገር እንዲኾኑ ከቅድመ መደበኛ ትምህርት ቤቶች ጀምሮ መንከባከብ ይገባል ብለዋል።

በትምህርት ቤቶች የተጀመረው የተማሪ ምገባ ተደራሽነቱን እያሰፋ ውጤቱም በተግባር የሚገለጥ እንዲኾን የማኅበረሰቡ ተሳትፎ እንደሚያስፈልግም ገልጸዋል።

ዘጋቢ፦ ሰመሀል ፍስሀ

የአሚኮ ዲጂታል ሚዲያ ቤተሰብ ይሁኑ!

ለኅብረተሰብ ለውጥ እንተጋለን!