በ2017 በጀት ዓመት አበይት ተግባራትን በመፈጸም ስኬታማ እንደነበር ኅብር ኮንስትራክሽን ኮርፖሬሽን አስታወቀ።

የኅብር ኮንስትራክሽን ኮርፖሬሽን ዋና ሥራ አሥፈጻሚ መብት አድማስ ኅብር ኮንስትራክሽን ኮርፖሬሽን በ2017 በጀት ዓመት ዓበይት ተግባራትን በመፈጸም ስኬታማ ጊዜን ያሳለፍንበት ዓመት ነበር ብለዋል። ዓመቱ የተቋም ስያሜ እና የአደረጃጀት ለውጥ ያደረገበት፣ የኮርፖሬሽኑን መሪዎች እና ሠራተኞች በአዲስ ምደባ ያደረገበት ነበር ነው ያሉት። ኮርፖሬሽኑ በታሪኩ ለመጀመሪያ ጊዜ ከ3 ነጥብ 5 ቢሊዮን ብር በላይ ገቢ የሚያስገኝ ሥራ በማከናወን ከ544 ሚሊዮን ብር በላይ ትርፍ ያስመዘገበበት እንደነበር ነው የገለጹት።

የተቋሙን ሥራ በቴክኖሎጂ ለመደገፍ እንዲቻል ቴክኖለጅን ያበለጸግንበት፣ የባሕር ዳር ከተማን የኮሪደር ልማት ሥራ በፍጥነት እና በጥራት በመገንባት የከተማውን ገጽታ ያሳመርንበት ተግባር ዋና ዋናዎቹ ውጤታማ ሥራዎች ነበሩ ነው ያሉት።

የክልሉ መንግሥትም ኮርፖሬሽኑ በበጀት ዓመቱ ላከናወናቸው ውጤታማ ሥራዎች በቅርቡ ዕውቅና ሰጥቶታል ብለዋል።

ዘጋቢ፦ ሮዛ የሻነህ

ለኅብረተሰብ ለውጥ እንተጋለን!