“የሰላምን ዋጋ ከመስቀሉ መማር ይገባል” ብጹዕ አቡነ ሚካኤል

የደቡብ ጎንደር ሀገረ ስብከት ሊቀ ጳጳስ እና የቅዱስ ሲኖዶስ አባል ብጹዕ አቡነ ሚካኤል አማኞች በዓሉን ለሀገር ሰላም ከልብ በመፀለይ እና በመተሳሰብ ማክበር እንደሚገባቸው መልዕክት አስተላልፈዋል። ሰላምን በመጠበቅ በዓሉን ካለፈው ዓመት በተሻለ ማክበር ይገባል ያሉት ብጹዕነታቸው የእርስ በእርስ ግጭቱን በሰላማዊ መንግድ መፍታት እንደሚገባም አስገንዝበዋል። ሕጻናት ወደ ትምህርት ገበታቸው እንዲገቡ የሚደረገው ጥረት አበረታች መኾኑንም ጠቁመዋል።

መስቀል የጥል ግድግዳ የፈረሰበት፣ ሰላም የተሰበከበት ነው ያሉት ብጹዕ አቡነ ሚካኤል የሰላምን ዋጋ ከመስቀሉ መማር እንደሚገባ አስገንዝበዋል። ለመስቀል እና ደመራ በዓል የእንኳን አደረሳችሁ መልዕክትም አስተላልፈዋል። የሰላም ምልክት የኾነው የመስቀል በዓል ሲከበር ሁሉም ሰው ሰላምን በመፈለግ ሊኾን ይገባል ያሉት ደግሞ ሃሳባቸውን ለአሚኮ የሰጡ በከተማዋ የሚኖሩ የሃይማኖቱ ተከታዮች ናቸው። በከተማዋ ያለውን አንጻራዊ ሰላም በማጽናት በዓሉን በድምቀት ለማክበር ዝግጅት ማድረጋቸውንም ተናግረዋል።

ለኅብረተሰብ ለውጥ እንተጋለን!