ደብረ ብርሃን: መስከረም 06/2018 ዓ.ም (አሚኮ) በዛሬው እለት የግድቡን መጠናቀቅ አስመልክቶ በደብረ ብርሃን ከተማ የድጋፍ ሰልፍ ተካሄዷል፡፡
በሰልፉ ላይ የታደሙ የከተማዋ ነዋሪዎች እንደሀገር የምንናፍቀውን የተሟላ እድገት ለማስመዝገብ የሕዳሴው ግድብን የመሳሰሉ ፕሮጀክቶች ያስፈልጉናል ብለዋል፡፡
ለሕዳሴው ግድብ ግንባታ የተረባረቡ እጆች በቀጣይም መንግሥት በቅርቡ ይፋ ላደረጋቸው ግዙፍ ሀገራዊ ፕሮጀክቶች ዳግም ታሪክ ለመሥራት መዘርጋት እንዳለባቸው ነዋሪዎቹ ሀሳባቸውን ለአሚኮ ገልጸዋል፡፡
በሕዳሴ ግድቡ ግንባታ ኢትዮጵያውያን አንድነትን አሳይተናል፣ በትብብር የመፈፀም አቅማችንን ለክተንበታል ብለዋል፡፡
በቀጣይም ነዋሪዎቹ ለወል ችግሮቻችን በጋራ መሥራት፣ የጋራ አቅም ሰብስቦ በኅብረት ታሪካዊ አሻራ በማሳረፍ በኩል የድርሻቸውን አበርክቶ ለማድረግ ዝግጁ መኾናቸውን ጠቅሰዋል፡፡
ዘጋቢ:- በላይ ተስፋዬ
የአሚኮ ዲጂታል ሚዲያ ቤተሰብ ይሁኑ!
👇👇👇
https://linktr.ee/AmharaMediaCorporation
ለኅብረተሰብ ለውጥ እንተጋለን
