ለአየር ንብረት ለውጥ የማይበገር አረንጓዴ ኢኮኖሚን መገንባት ይገባል።

የአካባቢ ደንና አካባቢ ጥበቃ ባለሥልጣን ኀላፊ ተስፋሁን ዓለምነህ እንዳሉት ክልሉ በችግር ውስጥ ኾኖም በአካባቢ ጥበቃ የተሻለ ሥራ ሲሠራ ቆይቷል።

አካባቢ ጥበቃ ዓለም አቀፋዊ በመኾኑ ለሰው ልጆች መኖሪያ ምቹ እና ጽዱ አካባቢን ለመፍጠር ድርሻው የጎላ ነው ብለዋል። የአማራ ክልልም የአካባቢ ጥበቃ ተግባራትን በትኩረት እየሠራ እንደሚገኝ ተናግረዋል።

በቀጣይ ይህንን ተግባራት አጠናክሮ በማስቀጠል የብዝኀ ሕይወት ሀብቶችን መጠበቅ እና ለአየር ንብረት ለውጥ የማይበገር አረንጓዴ ኢኮኖሚን መገንባት ይገባልም ብለዋል።

በመድረኩ የባለሥልጣኑ ከፍተኛ መሪዎች፣ የከተማ፣ የዞን፣ የብሔራዊ ፓርኮች እና ጥብቅ ሥፍራዎች የሥራ ኀላፊዎች እና ባለሙያዎች ተገኝተውበታል። በመድረኩ የ2017 በጀት ዓመት አፈጻጸመም እና የ2018 በጀት ዓመት የእቅድ ትውውቅ ሪፖርት ቀርቧል።

በማጠቃለያው በበጀት ዓመቱ የላቀ አፈፃፀም ላመጡ ተቋማት የእውቅና ሽልማት ይሰጣል ተብሏል።

ለኅብረተሰብ ለውጥ እንተጋለን