የሁለተኛ እና የሦስተኛ ዲግሪ ተመራቂ ተማሪዎች ትምህርታቸውን ማጠናቀቅ ጀመሩ፡፡

የመጨረሻ ዓመት የመጀመሪያ ዲግሪ ተማሪዎች በወረርሽኙ ምክንያት ባለመማራቸው፣ አንዳንዶችም የመጀመሪያ መንፈቅ ፈተና ባለመፈተናቸው በዚህ ክረምት ትምህርታቸውን የሚያጠናቅቁ እንደማይኖሩም ዶክተር ኤባ አስታውቀዋል፡፡

የተማሪዎቹን ቀጣይ ሁኔታ በተመለከተም ወረርሽኙ ቢቆም ምን መደረግ እንዳለበት በየሳምንቱ ከየትምህርት ተቋማቱ የትምህርት አመራሮች ጋር ግምገማ እየተደረገ እንደሚገኝ ተናግረዋል።

በወረርሽኙ ምክንያት ትምህርት እንዲቋረጥ ሲደረግ የትምህርት ተቋማት ተማሪዎቻቸው በቤታቸው የሚማሩባቸውን የትምህርት ሰነዶች እንዲሰጧቸው የሚል አቅጣጫ ተሰጥቶ እንደነበርም አመልክተዋል። ከዚህ ጎን ለጎን በተለያዩ የቴክኖሎጂ ዘዴ ተማሪዎችን ተደራሽ ለማድረግ ጥረት እየተደረገ መሆኑን እና ጥረቱ ተማሪዎች ጊዜያቸውን እንዲጠቀሙ እንጂ ወደሚቀጥለው የትምህርት ምዕራፍ እንዲያልፉ የሚረዳቸው እንዳልሆነ ገልጸዋል።

አሁን ባለው ወቅታዊ ሁኔታም ተማሪዎች በየትምህርት ተቋማቶቻቸው የሚላኩላቸውን ሰነዶች በማንበብ እንደሚቆዩ አስታውቀዋል።

የመጨረሻ ዓመት የመጀመሪያ ዲግሪ ተማሪዎች ደግሞ ከየትምህርት ተቋሞቻቸው የሚላኩላቸውን የትምህርት ሰነዶች እያነበቡ እንደሚቆዩ ኢፕድ ዘግቧል፡፡