በጋምቤላ በቀን 180 ናሙናዎችን መመርመር የሚያስችል የኮሮናቫይረስ መመርመሪያ ማሽን ሥራ ጀመረ።

ክልሉ በርካታ የስደተኛ መጠለያ ጣቢያዎች የሚገኙና ከደቡብ ሱዳን ጋርም በሰፊው የሚዋሰን ከመሆኑ ጋር ተያይዞ የኮሮናቫይረስን ለመመርመር የሚያስችል ማሽን ሥራ እንዲጀምር ከፍተኛ ጥረት ሲደረግ መቆየተቱንም አብራርተዋል፡፡

የክልሉ መንግሥት የቫይረሱን ስርጭት ለመከላከልና ለመቆጣጠር ትኩረት ሰጥቶ እየሠራ እንደሚገኝ ጠቁመው በተለያዩ ቦታዎች በሚደረገው ሙቀት ልየታ ኅብረተሰቡ ያለምንም ፍራቻ ምርመራ ሊያደርግ እንደሚገባ አሳስበዋል፡፡

የክልሉ ጤና ቢሮ ኃላፊ ካን ጋትሉዋክ ደግሞ የክልሉ መንግሥት ከጤና ሚኒስቴር እና ከኢትዮጵያ የኅብረተሰብ ጤና ኢንስቲትዩት ጋር በመነጋገር በክልሉ ቀደም ሲል ለኤች አይ ቪ መመርመሪያ ያገለግል የነበረው ማሽን አዲስ ሶፍት ዌር በመጫን ለኮሮና ቫይረስ ምርመራ እንዲውል መደረጉን አስታውቀዋል፡፡

ከዚህ ቀደም ናሙናዎችን ወደ አዲስ አበባ በመላክ ውጤቶችን ሲገልፁ እንደነበር ጠቅሰው በክልሉ ምርመራ መጀመሩ ጊዜንና ወጪን ከመቆጠብ በተጨማሪ በክልሉ በተለያዩ ለይቶ ማቆያዎች ለሚገኙ ዜጎች በቅርበት አገልግሎት ለመስጠት እንደሚያስችልም አቶ ካን ተናግረዋል፡፡

ከስደተኞች ጋር ተያይዞ ሊከሰት የሚችለውን የቫይረሱን ወረርሽኝ ለመመርመር የሚያስችል ቅድመ ዝግጅት ለማድረግ በክልሉ ከሚገኙ መንግሥታዊ ያልሆኑ ድርጅቶች ጋር በመነጋገር ላይ መሆናቸውን ከጋምቤላ ፕሬስ ሴክሬታሪያት ጽሕፈት ቤት የተገኝው መረጃ ያመልክታል፡፡