በክልሉ የሚሰራጩ አምቡላንሶች ለጤና አገልግሎት ብቻ እንዲውሉ ርዕሰ መስተዳደሩ አሳሰቡ።

የጤና አምቡላንሶችን ለሌሎች አገልግሎቶች የሚጠቀሙ ተቋማት ከድርጊታቸው እንዲቆጠቡ ያሳሰቡት ርዕሰ መስተዳደሩ ሠራዊቱ አምቡላንሶችን ለሌሎች አገልግሎቶች ባለማዋል አርአያ እንዲሆንም ጠይቀዋል። የክልሉ ፖሊስና ልዩ ኃይል የኮሮናቫይረስን ለመከላከል በሚደረገው ርብርብ እያደረጉት ላለውም ጥረትም አመሥግነዋል።
የአማራ ክልል ጤና ቢሮ ኃላፊ መልካሙ አብቴ (ዶክተር) ክልሉ እና የፌዴራል መንግሥት በዚህ ዓመት 235 አምቡላንሶችን ለጤና ተቋማት በመስጠት ከፍተኛ ሥራ መሥራቱን አስታውሰዋል።

አሁንም በክልሉ የአምቡላንስ እጥረት በመኖሩ በአገልግሎት ላይ ያሉት አምቡላንሶችን ለታለመላቸው አገልግሎት በማዋል ችግሩን ለመፍታት ጥረት ማድረግ እንደሚገባ አስገንዝበዋል። አምቡላንሶቹ የአማራ ክልል ልዩ ኃይል አባላት የኮሮናቫይረስ ታካሚዎችን ፈልጎ በማምጣትና በመጠበቅ ባላቸው ሚና ተጋላጭ እንዳይሆኑና ፈጥኖ ወደ ጤና ተቋማት ለማድረስ ድጋፍ እንደሚያደርጉ ቢሮ ኃላፊው ተናግረዋል።

የአማራ ክልል ልዩ ኃይል አዛዥ ኮሎኔል ጌታቸው ብርሌ ሠራዊቱ የኮሮናቫይረስን ለመከላከል በድንበሮች እና በለይቶ ማቆያዎች ድጋፍ እያደረገ መሆኑን አስታውቀዋል፡፡ አምቡላንሶችን ከሠራዊቱ ባሻገር ለሌሎች የማኀበረሰብ ክፍሎች የጤና አገልግሎት እንደሚሰጡም ተናግረዋል።

ዘጋቢ:- ግርማ ተጫነ

ተጨማሪ መረጃዎችን
በቴሌግራም https://bit.ly/2wdQpiZ
ትዊተር https://bit.ly/37m6a4m
ዩቱዩብ https://bit.ly/38mpvDC ያገኛሉ፡፡