የኮሮና ወረርሽኝ በዝቅተኛ የኑሮ ደረጃ ያሉ አካል ጉዳተኞችን ሕይወት እየፈተነ ነው፡፡

በእርግጥ በሽታው በሁሉም የሰው ልጅ ሁለንተናዊ እንቅስቃሴ ላይ ተፅዕኖ እያስከተለ ነው፡፡ የሰውን እጅ ተማምነው የዕለት ጉርሳቸውን ለማግኘት በሚዳዱ አካል ጉዳተኞች ሕይወት ላይ የሚያስከትለው ጫና ግን የከፋ እንደሆነ ተናግረዋል፤ መሪ እስከማጣት መቸገራውንም ገልጸዋል፡፡ ምሥጋና ወገናዊ አለኝታቸውን በተግባር እያሳዩ ላሉ ባለሀብቶች በዚህ አስቸጋሪ ወቅት መረዳዳት፣ መደጋገፍንና የወገን ደራሽ ወገን መሆኑን በተግባር እየታየም ነው፡፡

አቶ ሰማኸኝና ቤተሰቦቻቸውም ለዕለት ቢሆንም አሳቢ፣ አይዞን ባይ አግኝተዋል፡፡ በባሕር ዳር ከተማ የሚገኘው ቤተ ዳንኤል ሆቴል ችግራቸውን ግምት ውስጥ አስገብቶ የምግብ ዘይት፣ የዳቦ ዱቄትና የንጽሕና መጠበቂያ ሳሙና ድጋፍ አድርጎላቸዋል፡፡ ሆቴሉ ከ30 ሺህ ብር በላይ ወጭ አድርጎ 70 ለሚሆኑ ዝቅተኛ ገቢ ላላቸው ነዋሪዎች ዛሬ የዕለት ጉርስ ድጋፍ አድርጎላቸዋል፡፡

ቤተ ዳንኤል ሆቴል ከዚህ በፊት በከተማ አስተዳደሩ ለተቋቋመው የኮሮና መከላከል ኮማንድ ፖስት የ30 ሺህ ብር ድጋፍ ማድረጉንም የፋሲሎ ክፍለ ከተማ አፈ ጉባኤ ዘለቀ ገበየሁ አስታውሰዋል፡፡ በአስቸጋሪ ሁኔታ ውስጥ ለሚገኙ ወገኖች የሚሆን 150 ብርድ ልብሶችን ገዝቶም ለኢትዮጵያ ቀይ መስቀል ማኅበር ማስረከቡንም ከሆቴሉ ያገኘነው መረጃ ያሳያል፡፡

አስከፊ ወቅት ለመረዳዳት እና ኢትዮጵያዊ ዕሴቶችን በተግባር እንዲገለጡ ለማድረግ ዕድል ይሰጣል፡፡ በተለያዩ አካባቢዎች ደጋግ ልቦች ያፈለቋቸው ደጋግ ሐሳቦች የብዙዎች ሕይወት እንዲቃና እያደረጉም ነው፡፡

ዘጋቢ፡- ኃይሉ ማሞ