‘‘ለሕገ ወጥ የሰዎች ደላላ ምንም ዓይነት ምሕረት አያስፈልግም፤ ይህ አገርን እንደማጥቃት ይቆጠራል።” ዶክተር ስዩም መስፍን

በለይቶ ማቆያ ውስጥ ያሉ ሰዎች ናሙና ወደ ጎንደር እና ባሕር ዳር እየተላከ ምርመራ እየተደረገ ቢሆንም ካለው ችግር አንጻር በዞኑ የኮሮና ቫይረስ መመርመሪያ እንዲኖርም ጥያቄ ቀርቧል።

በቫይረሱ ተጠርጥረው ወደ ማቆያ ቦታዎች ለሚገቡ ሰዎች ማጓጓዥ ቋሚ መኪና ባለመኖሩ ለንክኪ ተጋላጭነት በመኖሩ በቋሚናት መኪና እንዲመቻችም ጥያቄ ቀርቧል።

እስከ ዛሬ 37 ሰዎች ከአስገድዶ ለይቶ ማቆያ ጠፍተዋል፡፡ ሰዎች ከለይቶ ማቆያዎች እንዳይጠፉ ትኩረት ተሰጥቶት መሠራት እንዳለበት እና ማቆያ ጣቢያዎች ኃላፊነት ወስደው መሥራት እንዳለባቸው ደግሞ የሰላም ሚኒስቴር ሚኒስትር ዲኤታ ስዩም መስፍን (ዶክተር) አሳስበዋል።
‘‘በእያንዳንዱ የድንበር ቦታ ላይ የፀጥታ አካል ማቆም ከባድ ነው’’ ያሉት ዶከተር ስዩም ምን ያክል የፀጥታ አካል እንደሚያስፈልግ መረጃው እንዲጠናከርና የአካባቢው ሚሊሻ፣ ልዩ ኃይል እና መከላከያ በጋራ እንዲሰማሩ እንደሚደረግም አስታውቀዋል።

የመኪና ችግሩ እንዲፈታ ከጎንደር ዩኒቨርስቲ ጋር በመነጋገር አንድ መኪና እንዲመድብላቸው ጥያቄ እንደሚቀርብም ተገልጿል።

ከክልሉ የማቆያ ቦታዎች እንዲገነቡ ጥያቄ መቅረቡን ዶክተር ስዩም አስታውሰው በጊዚያዊነት በቆርቆሮ የሚሰሩበት አማራጭ እንዲኖር ድጋፍ እንደሚደረግም አመላክተዋል።

ዘጋቢ፡- ዳንኤል ወርቄ