በደብረ ታቦርና ወረታ ከተሞች በሦስት ቀናት ብቻ 671 ዩኒት ደም ተሰብስቧል፡፡

ኃላፊው እጥረቱን ለመፍታት የሥራ ኃላፊዎች እና በጎ ፍቃደኞች ባደረጉት የተደራጀ ርብርብ ባለፉት ሦስት ቀናት ብቻ 671 ዩኒት ደም ከደብረ ታቦርና ወረታ ከተሞች ብቻ መሰብሰብ መቻሉን ገልጸዋል፡፡

‘‘የደም አሰባሰብ ሂደቱ ከታቀደው አንጻር በእጥፍ እየሄደ ነው’’ ያሉት አቶ ሙላት በቀጣይም ከ16 የወረዳ ዋና ዋና ማዕከላት ላይ የማሰባሰብ ሥራው ተጠናክሮ እንደሚቀጥል ተናግረዋል፡፡

በደም አሰባሰብ ሥራው የደብረ ታቦርና ወረታ ከተማ አስዳደር ነዋሪዎችና የዙሪያዎቹ አርሶ አደሮች ያሳዩትን ተሳትፎና የልግስና ተግባር ‘‘በደም እጥረት ሪፈር የሚባሉ ዜጎችን ሕይወት የሚታደግና የሚያስመሠግን ተግባር ነው’’ ብለዋል፡፡

በአንድ ሳምንት አንድ ሺህ ዩኒት ደም ለመሰብሰብ እቅድ እንዳላቸው የተናገሩት አቶ ሙላት በተደራጀው የደም አሰባስብ ቡድን በየሦስት ወራቱ ተመሳሳይ ሥራ ለማስቀጠል ማቀዳቸውንም ተናግረዋል፡፡ የዞኑ የደም ባንክ የዕቅድ አፈጻጸም ከዓመታዊ ዕቅዱ አንጻር 80 ከመቶ መድረሱንም አስታውቀዋል፡፡

ዘጋቢ፡- ግርማ ተጫነ