በአሜሪካ ችካጎ በኮሮና ቫይረስ ተይዘው ከሞቱት አብዛኞቹ ጥቁሮች ናቸው ተባለ፡፡

በአሜሪካ በአጠቃላይ ከ370 ሺህ በላይ ሰዎች በኮሮና ቫይረስ መያዛቸውን የዘገበው ቢቢሲ የሟቾች ቁጥር 11 ሺህ መድረሱንም አስታውቋል፡፡
ከቀናት በፊት በችካጎ 6 ሺህ 680 ሰዎች በኮሮና መያዛቸው ሲረጋገጥ ከእነዚህ ውስጥ 1 ሺህ 824 ጥቁሮች ናቸው፡፡ ባለፈው እሑድ በችካጎ 98 ሰዎች ሕይወታቸው አልፏል፤ ከእነዚህ ውስጥ 71 ሟቾች ጥቁሮች ናቸው፡፡

ዝርዝር ምክንያቱ የተጠና ባይሆንም በዘገባው የተመላከተው ‘‘የጥቁሮች አማካይ የዕድሜ ጣሪያ ከነጮቹ ያነሰ ስለሆነ ነው’’ የሚል ነው፡፡

አካላዊ መራራቅ፣ እጆችን አዘውትሮ መታጠብ፣ ሲስሉና ሲያነጥሱ አፍና አፍንጫን በመሀረብ ወይም በፊት መሸፈኛ ጭምብል በማፈን የቫይረሱን ስርጭት መከላከል ይቻላል፡፡

በአብርሃም በዕውቀት