በኃይል ወደ ለይቶ ማቆያ የተወሰዱት ኬንያዊ ፖለቲከኛ ከቫይረሱ አገገሙ፡፡

በማቆያ ማዕከል ከገቡ በኋላ ጸጸታቸውን ሲገልጹም “በእኔ ምክንያት ውጥረት በመፈጠሩ ይቅርታ እጠይቃለሁ” ማለታቸውን ዴይሊ ኔሽን ጋዜጣ ዘግቧል፡፡

የኬንያ መገናኛ ብዙኃን የሀገሪቱን የጤና ሚኒስቴር ዋቢ አድርገው እንደዘገቡት ደግሞ ፖለቲከኛው ጌዲዮን ሳቦሪ አሁን ሙሉ በሙሉ ከቫይረሱ አገግመዋል፡፡

የኬንያ ጤና ሚኒስቴር እንደገለጸው አሁን ላይ በሀገሪቱ ካለው የወረርሽኙ ሥርጭት ውስጥ ከ25 እስከ 30 በመቶ የሚሆነው የሌላ ሀገር የጉዞ ታሪክ በሌላቸው ሰዎች ላይ የተከሰተ ነው፡፡ በመሆኑም ሁሉም ዜጋ ራሱን ከመተላለፊያ መንገዶች እንዲጠብቅ መልእክት አስተላልፏል፡፡

ሁሉም ዜጋ ራሱን ከወረርሽኑ እንዲከላከልና እንዳያዛምት ለማድረግም የመከላከያ ቁሳቁስ እያቀረበች ትገኛለች፡፡ የአፍና የአፍንጫ መሸፈኛዎችን አቅራቢዎችም ከ20 የአሜሪካ ሳንቲም ባልበለጠ ዋጋ እንዲሸጡ እየተደረገ እንደሆነ የሀገሪቱ የንግድ ሚኒስቴር ገለጧል፡፡

እስከ ዛሬ መጋቢት 26/2012 ዓ.ም ረፋድ ድረስ በኬንያ 122 ሰዎች በቫይረሱ ተይዘዋል፤ አራት አገግመዋል፤ አራት ደግሞ ይሕወታቸውን አጥተዋል፡፡

በአስማማው በቀለ