በሰሜን ወሎ ዞን የአላማጣ ከተማ ነዋሪዎች በሕወሓት እየተፈጸመ ያለውን ግፍ በሕዝባዊ ሰልፍ ገለጹ።

ባሕር ዳር: ሰኔ 02/2016 ዓ.ም (አሚኮ) በሰሜን ወሎ ዞን የአላማጣ ከተማ ነዋሪዎች በሕወሓት በራያ ሕዝብ ላይ እየተፈጸመ ያለውን ግፍ በሕዝባዊ ሰልፍ ገልጸዋል።

ኢ- ሰብዓዊ ድርጊት በግፍ እየተፈጸመበት ያለው የራያ ሕዝብ ቁጣውን በአደባባይ ዛሬ ሰኔ 02/2016 ዓ.ም በሰሜን ወሎ ዞን አላማጣ ከተማ እየገለፀ ይገኛል።

ሕዝቡ የተለያዩ መፈክሮች በመያዝ እየደረሰበት ያለውን በማንነት ላይ የተመሰረተ ጭቆና አውግዟል።

👉ዛሬም ከአሸባሪነት ያልተለየው ወራሪውና አሸባሪው ትህነግ ሕጋዊ የፖለቲካ ፓርቲ ኾኖ እንዲመዘገብ የሚደረገውን ሂደት አጥብቀን እንቃወማለን

👉የራያ ሕዝብ የማንነት ጥያቄ በሀገር አፍራሾች አይቀለበስም

👉እኛ ራያዎች አማራዎች ነን

👉የፌደራል መንግሥት ለራያ ሕዝብ አስቸኳይ ምላሽ ይስጥ

👉የፌደራል መንግሥት ሕግ ያስከብርልን

👉 የፕሪቶሪያው ስምምነት በአስቸኳይ እንዲፈጸም እንጠይቃለን ብለዋል።

ተጨማሪ መረጃ በቀጣይ ተከታትለን የምናደርስ ይኾናል።

ለኅብረተሰብ ለውጥ እንተጋለን!