ሲቪል ሰርቪስ ኮሚሽን በኮሮና ቫይረስ ምክንያት የአስተዳደር ፍርድ ቤቶችን በከፊል ዘጋ፡፡

የክልሉ ሲቪል ሰርቪስ ኮሚሽን የሕዝብ ግንኙነት ዳይሬክተር ታደለ ልይለት እንደገለጹት የሲቪል ሰርቪስ ኮሚሽን ውሳኔውን ያስተላለፈው በፍጥነት እየተሰራጨ ያለውን ኮሮና ቫይረስ ለመከላከል ነው፡፡

በሌላ በኩል ከመጋቢት 10/2012 ዓ.ም ጀምሮ በነጥብ ሥራ ምዘናና ደረጃ አወሳሰን ጥናት ምደባ ዙሪያ በአካል፣ በግለሰብም ሆነ በቡድን የሚቀርቡ ቅሬታዎችን የማይቀበል መሆኑንም አስታውቀዋል፡፡ አሳማኝ ቅሬታዎች ሲኖሩ ቅሬታ አቅራቢዎቹ በሚሰሩባቸው ተቋማት በኩል ቀርቦ ተቀበይነትን ካገኘ ደረጃውን ጠብቆ ሊታይ እንደሚችልም ነው ያስገነዘቡት፡፡

የኮሮና ቫይረስን ለመከላከል እንዲያግዝም ደንበኞች አግልገሎት ፈልገው ሲመጡ በተናጥል እንዲሆን አቶ ታደለ አሳስበዋል፡፡ በስልክ መረጃ መጠየቅንም አማራጭ ማድረግ እንደሚችሉ ዳይሬክተሩ ተናግረዋል፡፡ ኮሚሽኑ ኮሮናን ለመከላከል በክልሉ የተቋቋመው ግብረ ሃይል አካል በመሆን እየሠራ እንደሆነ በመግለጽም ሠራተኞችም ዓርአያ መሆን እንዳለባቸው መልእክት አስተላልፈዋል፡፡

ዘጋቢ፡-አዳሙ ሽባባው