የሕዳሴ ግድቡን የተመለከተው ድርድር ከታቀደለት ቀን ተራዘመ፡፡

በአፍሪካ ትልቁ የሃይል ማመንጫ ፕሮጀክት እንደሚሆን የሚጠበቀው የኢትዮጵያ ህዳሴ የኤሌክትሪክ ሃይል ማመንጫ ግድብን በተመለከተ ኢትዮጵያ፣ ግብፅና ሱዳን በተደጋጋሚ ውይይት ማድረጋቸው ይታወቃል፡፡

ወደ መጠናቀቂያ ደረጃ ላይ እንደሆነ የተነገረለትን ድርድር ለመቋጨት ውይይት ከጀመሩም ሦስት ቀናት ተቆጥረዋል፡፡ ድርድሩ ትናንት እንደሚጠናቀቅ ነበር የታቀደው፤ ይሁን እንጂ ቢቢሲ አሁን ባወጣው ዘገባ እንደተመላከተው ምክንያቱ ግልጽ ባይደረግም ድርድሩ ዛሬም ቀጥሏል፡፡

ሀገራቱ በአውሮፓውያኑ ጥር 29/2020 ማለትም ትናንት የመጨረሻውን የረቂቅ ስምምነት ይፈራረማሉ ተብሎ ይጠበቅ ነበር፡፡ ድርድር ለምን ያክል ጊዜ ሊቀጥል እንደሚችልም ግልጽ መረጃ አልተገኘም፡፡

በኃይሉ ማሞ