በዓባይ፣ በቆቃ እና በአዋሽ ተፋሰስ አካባቢዎች የሚገኙ ነዋሪዎች ጥንቃቄ እንዲያደርጉ የኢትዮጵያ ሜቲዎሮሎጂ ኢንስቲትዩት አሳሰበ፡፡

ባሕር ዳር: መስከረም 09/2015 ዓ.ም (አሚኮ) በኢንስቲትዮቱ የትንበያ ባለሙያ ሳምራዊት አበበ በቀጣይ 10 ቀናት በተለያዩ የሀገሪቱ ክፍሎች ጠንካራ የደመና ሽፋን እንደሚኖር ተናግረዋል፡፡

በዚህም በፀሐይ ብርሃን የታጀበ ከፍተኛ መጠን ያለው ዝናብ እንደሚኖር የአየር ትንበያ መረጃ ያመላክታልም ነው ያሉት፡፡

በመሆኑም የአባይ፣ የቆቃ እና የአዋሽ ወንዞች በመሙላት ከተለመደው ፍሰታቸው ውጪ በመሆኑ ጉዳት ሊያደርስ የሚችል በመሆኑ ሕዝቡ እንዲጠነቀቅ አሳስበዋል።

በከተሞችም ጎርፍ እንዳይከሰት የፈሳሽ ማስወገጃ ትቦዎችን ከቆሻሻ ማጽዳት እንደሚገባ ለፋብኮ ገልጸዋል፡፡

ለኅብረተሰብ ለውጥ እንተጋለን!