የደብረ ማርቆስ ነዋሪው ፖሊስ በስህተት የተከፈለውን 100 ሺህ ብር መለሰ።

ረዳት ሳጅን ስማቸውም የተቀበለው ከራሱ ላብ ውጭ የሆነ ገንዘብ መሆኑን ሲያረጋግጥ ገንዘቡን ለባንኩ መመለሱን በኢትዮጵያ ንግድ ባንክ የደብረማርቆስ ሸዋ በር ቅርንጫፍ ዋና ሥራ አስኪያጅ ደንበሩ ተፈራ ለአብመድ ተናግረዋል፡፡
ሥራ አስኪያጁ እንደገለጹት ረዳት ሳጅን ስማቸው የፈጸመው ተግባር ቅንነት የተሞላበት በመሆኑ ሊመሰገን እንደሚገባው ነው። ለግለሰቡ የምስጋና የምስክር ወረቀት መስጠታቸውንም ተናግረዋል፡፡

ረዳት ሳጅን ስማቸውም ስለተሰጠው የምስጋና የምስክር ወረቀት አመስግኗል፤ ደግነት ለራስ እንደሆነም ተናግሯል፡፡

ገንዘቡን ሲመልስ ያዩት የከተማዋ ነዋሪዎችም ረዳት ሳጅን ስማቸው የሠራው በጎ ተግባር ከአንድ ኢትዮጵያዊ የሚጠበቅና የሚያስመሰግን መሆኑን ነው የተናገሩት፡፡

ዘጋቢ፡-ምሥጋናው ብርሃኔ