“በጎንደር እና አካባቢው የጥምቀት በዓል ላይ ከ2 ሚሊዮን በላይ ታዳሚዎች ይገኛሉ፡፡” ባህልና ቱሪዝም ቢሮ

የአማራ ክልል ባህልና ቱሪዝም ቢሮ ኃላፊ ሙሉቀን አዳነ (ዶክተር) የጥምቀት በዓል በሠላማዊ መንገድ እንዲከበር ከጸጥታ አካላት ጋር በቅንጅት እየተሠራ ነው ብለዋል፡፡ በየአካባቢው የተደራጁ ወጣቶች በዓሉ በሠላም እንዲጠናቀቅ ዘብ መቆም እንዳለባቸውም ኃላፊው አሳስበዋል፡፡

በጎንደር እና አካባቢው የጥምቀት በዓል ላይ የውጭና የሀገር ውስጥ ጎብኝዎችን ጨምሮ ከሁለት ሚሊዮን በላይ ታዳሚዎች እንደሚገኙም ዶክተር ሙሉቀን በመግለጫቸው አመላክተዋል፡፡

የጥምቀት በዓል በተባበሩት መንግሥታት የትምህርት፣ የሳይንስና የባህል ድርጅት (ዩኔስኮ) መመዝገቡ በርካታ ጎብኝዎች ወደ ኢትዮጵያ እና ወደ አማራ ክልል እንዲመጡ ምክንያት ይሆናል፡፡
“በዩኔስኮ የመመዝገቡ ትልቁ ቁምነገር ገንዘብ ለማግኘት ሳይሆን የእኛን ባህል እና ዕሴቶች ለሌሎች የምናስተዋውቅበት መሆን አለበት” ብለዋል ዶክተር ሙሉቀን በመግለጫቸው፡፡

ዘጋቢ፡- ብሩክ ተሾመ