በተያዘው የመኸር ወቅት ከ17 ሚሊየን ሄክታር በላይ መሬት መታረሱን የግብርና ሚኒስቴር ገለጸ ።

ባሕር ዳር: ነሐሴ 26/2015 ዓ.ም (አሚኮ) በ2015/16 የመኸር እርሻ ከ17 ነጥብ 3 ሚሊየን ሄክታር በላይ መሬት መታረሱን የግብርና ሚኒስቴር ገለጸ

የግብርና ሚኒስትር ዴኤታ ዶክተር መለስ መኮንን በ2015/16 የመኸር እርሻ እንዲሁም የበልግና የመስኖ የግብርና ሥራን በተመለከተ መግለጫ ሰጥተዋል።

ሚኒስትር ዴኤታው ከሌሎች ዓመታት በተለየ ዘንድሮ ከ17 ነጥብ 3 ሚሊየን በላይ መሬት መታረሱንም አስታውሰዋል።

ከዚህ ውስጥም ከ7 ነጥብ 8 ሚሊየን ሄክታር በላይ እርሻ በኩታ ገጠም የለማ መሆኑን መግለጻቸውን የግብርና ሚኒስቴር መረጃ አመልክቷል።

ለኅብረተሰብ ለውጥ እንተጋለን!