የአማራ ባንክ ከ3 ቢሊዮን ብር በላይ ሰብስቧል፤ ከ70 ሺህ በላይ ሰውም ባለአክሲዮን ሆኗል፡፡
በምሥረታ ላይ የሚገኘው የአማራ ባንክ የ4 ነጥብ 1 ቢሊዮን ብር አክሲዮን ማስፈረሙን አስታወቀ፡፡ ባንኩ ዛሬ በሰጠው መግለጫ እንዳመለከተው ከዚህ ውስጥ ከ3 ቢሊዮን ብር በላይ ገቢ ተደርጓል፤ ከ70 ሺህ በላይ ሰዎችም ባለአክሲዮን ሆነዋል፡፡
በአክሲዮኑ በውጭ ሀገር የሚኖሩ ኢትዮጵያውያንና ትውልደ ኢትዮጵያውያንን ለማሳተፍ እና ጠንካራ የገንዘብ አቅም ለመፍጠር የአክሲዮን ሺያጭ ጊዜውን ለሁለት ወራት እንዳራዘመም አስታውቋል፡፡ ዛሬ ታኅሣሥ 30 ቀን 2012ዓ.ም ሊጠናቀቅ የነበረው የአክሲዮን ሽያጭ እስከ የካቲት 30 ቀን 2012ዓ.ም መራዘሙን ነው አደራጅ ኮሚቴው ያስታወቀው፡፡
ዘጋቢ፡- በለጠ ታረቀኝ -ከአዲስ አበባ
