አማራ ብዙኃን መገናኛ ድርጅት 25ኛ የብር ኢዮቤልዩ በዓሉን በተለያዩ ዝግጅቶች እያከበረ ነው፡፡

በዚህ አስቸጋሪ ወቅት እንደ አብመድ ዓይነት ትላልቅ የሚዲያ ተቋማት የሰፊውን የአማራ ሕዝብ ፍላጎት መሠረት በማድረግ አስተውሎ ወደ ፊት መራመድ እንደሚገባቸውም አቶ ጌትነት አሳስበዋል፡፡

በቀጣይ የድርጅቱ ጉዞም የ25 ዓመታት መልካም ተሞክሮዎችን በማጠናከር፣ የጎደለውን በማረም፣ በሰለጠነ የሰው ኃይል፣ በቴክኖሎጂ እና በዕውቀት ራሱን ከዘመኑ ጋር አዘምኖ በሚሠራባቸው ወርቃማ ሥራዎች ለወርቅ ኢዮቤልዩ በዓሉ ለመድረስ ይችል ዘንድ ተግቶ እንዲሠራ አስታውቀዋል፡፡

የክልሉ መንግሥትም ያላሰለሰ ድጋፍ እንደሚያደርግ የኮሙኒኬሽን ዳይሬክተሩ ተናግረዋል፡፡ ለአማራ ብዙኃን መገናኛ ድርጅት ከዚህ መድረስ አስተዋጽኦ ለነበራቸው የድርጅቱ ሠራተኞችና የሥራ ኃላፊዎች፣ ለክልሉ መንግሥት፣ በገንዘብም ሆነ በሐሳብ እገዛ ሲያደርጉ ለነበሩ አካላት ሁሉ አቶ ጌትነት ምሥጋና አቅርበዋል፡፡

ዘጋቢ፡- የማነብርሃን ጌታቸው