በወልቃይት ጠገዴ ሰቲት ሁመራ ዞን በማይካድራ እና በሁመራ ከተሞች ሰላማዊ ሰልፍ እየተካሄደ ነው።

ሁመራ፡ ግንቦት 27/2015 ዓ.ም (አሚኮ) ሰላማዊ ሰልፉ የማንነት ጥያቄዎች እና የበጀት ጉዳይን በዋናነት መሰረት ያደረገ ነው።

በሰላማዊ ሰልፉ የዞኑ ሕዝብ ለሶስት አስርት ዓመታት ማንነቱ ሳይከበር የሰብዓዊ መብት ጥሰት ሲደርስበት መቆየቱን ነዋሪዎቹ ገልጸዋል ።

ከሁለት ዓመት ተኩል ወዲህ በተደረገው መራር ትግል ነጻነታችንን አስመልሰናል የሚሉት ነዋሪዎቹ አሁን ላይ የማንነት እና የበጀት ጥያቄያቸው በሕጋዊ መንገድ እንዲፈታ ጠይቀዋል።
በሰላማዊ ሰልፉ የተለያዩ መልዕክቶች ተላልፈዋል ።

ከነዚህ መካከል:-

👉የወልቃይት እና የአማራ ማንነት ጥያቄን የርስት ማስመለስ ብሎ በመፈረጅ አማራን ማሸማቀቅ አይቻልም! ሀገር ርስት ነው። ለርስት መሞት ክብር ነው
👉የማይገባንን አልፈን አልጠየቅንም፣ የራሳችንንም አሳልፈን አንሰጥም
👉የሀገር መከላከያ ሰራዊት እና ጥምር ጦሩ የከፈለውን መስዋዕትነት እናከብራለን ፣እንዘክራለን ፣ድሉንም እናስቀጥላለን
👉የአማራን ሕዝብ ከሀገር መከላከያ ሠራዊት መነጠል አይቻልም፣ መከላከያ የሕዝባችን አቅም፣ የሕዝባችን የመከላከያ ምንጭ ነው የሚሉት ይገኙበታል።

ዘጋቢ፦ አዲስ ዓለማየሁ

ለኅብረተሰብ ለውጥ እንተጋለን!