“ኢፍጣራችን ለወገናችን” በሚል መሪ መልእክት ሦስተኛው የጎዳና ላይ ኢፍጣር መርሐ-ግብር በአዲስ አበባ ተካሄደ።

መርሐ-ግብሩ ላይ ንግግር ያደረጉት የኢትዮጵያ እስልምና ጉዳዮች ጠቅላይ ምክር ቤት ፕሬዚዳንት ሼኽ ሐጂ ኢብራሂም ቱፋ፣ የዛሬው መርሐ-ግብር በጦርነት እና በድርቅ ለተጎዱ ወገኖቻችን ድጋፍ የምናሰባስብበት በመሆኑ ደስታችንን እጥፍ ድርብ ያደርገዋል ብለዋል።

ኡስታዝ አቡበከር አሕመድ በበኩላቸው፣ በሀገር ደረጃ ለሦስተኛ ጊዜ የተካሄደው መርሐ-ግብሩ ሀገራዊ አንድነትን ለማጠናከር ያለመ መሆኑን ገልጸው፣ ሙስሊሙ ማኅበረሰብ አንድነቱን እና ሀገራዊ አብሮነቱን አጠናክሮ ለማስቀጠል እንደሚጠቅምም ተናግረዋል።

በመርሐ-ግብሩ ከተለያዩ የአዲስ አበባ አካባቢዎች የተወጣጡ በሺዎች የሚቆጠሩ የእምነቱ ተከታዮች ተገኝተዋል።

ለኅብረተሰብ ለውጥ እንተጋለን!