መከላከያ ሚኒስቴር በጋሞ ዞን ምዕራብ አባያ ወረዳ ለደቡብ ዕዝ የገነባውን የጦር መምሪያ ካምፕ አስመረቀ።

በምረቃት ስነ-ስርዓቱ ላይ የጦር ኃይሎች ጠቅላይ ኢታማዦር ሹም ፊልድ ማርሻል ብርሃኑ ጁላን ጨምሮ የሚኒስቴሩ ከፍተኛ የሥራ ኃላፊዎች፣ ጀነራል መኮንኖች፣ የጋሞ የሀገር ሽማግሌዎችና ጥሪ የተደረገላቸው እንግዶች ተገኝተዋል።

ዘመናዊ ካምፑ የኮር ጠቅላይ መምሪያና የሬጅመንት ጠቅላይ ሠፈር በርካታ ዘመናዊ አገልግሎት የሚሰጡ ግንባታዎች ያካተተ መሆኑን የግንባታው ፕሮጀክት ኃላፊ ሌተናል ኮሎኔል ዳኛቸው ያዴታ ለኢዜአ ገልጸዋል።

ካምፑ የውስጥ ለውስጥ መንገድ፣ ሆስፒታልና የንጹህ መጠጥ ውሃ ግንባታ እንዲሁም የመሰብሰቢያ፣ የመመገቢያ አዳራሾችና የመዝናኛ ማዕከላት መያዙን ገልጸዋል።

ለኅብረተሰብ ለውጥ እንተጋለን!