መጋቢት 06/2014 ዓ.ም (አሚኮ) ምክትል ጠቅላይ ሚኒስትር እና የውጭ ጉዳይ ሚኒስትር ደመቀ መኮንን በአፍሪካ ቀንድ የቻይና ልዩ መልዕክተኛ ሚስተር ዙ ቢንግ በጽሕፈት ቤታቸው ተቀብለው አነጋግረዋል።
በውይይታቸውም ምክትል ጠቅላይ ሚኒስትሩ እና የውጭ ጉዳይ ሚኒስትሩ በሁለቱ ሀገራት መካከል ያለውን የቆየ ግንኙነት እና ቻይና ለኢትዮጵያ የምታደርገውን ሁለገብ ድጋፍ አድንቀዋል። በዚህ ረገድ ቻይና በባለብዙ ወገን መድረኮች ያደረገችውን ድጋፍ ኢትዮጵያ በሉዓላዊነቷ እና በግዛት አንድነቷ ላይ የተደቀኑ አደጋዎችን እንድታከሽፍ የረዳችውን ጠቅሰዋል። ቻይና በታላቁ የኢትዮጵያ ህዳሴ ግድብ የአፍሪካን ችግሮች ለመፍታት የአፍሪካን መርሆ መሠረት በማድረግ የወሰደችው ገንቢ አቋም እና ከኮሮናቫይረስ ጋር የተያያዙ ድጋፎች ሁሉ የሚደነቁ ናቸው ብለዋል።
ቻይና ለአፍሪካ አህጉር ልማት ያላትን ቁርጠኝነት ያደነቁት ምክትል ጠቅላይ ሚኒስትር እና የውጭ ጉዳይ ሚኒስትሩ በቻይና አፍሪካ የትብብር ማዕቀፍ የቀረቡትን የኢትዮጵያ ፕሮጀክቶች ይሁንታ እንዲሰጣቸው ጠይቀዋል።
ምክትል ጠቅላይ ሚኒስትሩ የሀገሪቱን ሰላም ለማረጋገጥ መንግሥት የወሰዳቸው አበረታች ውሳኔዎች እና ኢትዮጵያ ከሱዳን ጋር ያላትን የድንበር ጉዳይ በሰላማዊ መንገድ ለመፍታት ያላትን ቁርጠኝነት በተመለከተም ገለጻ አድርገዋል።
ልዩ መልዕክተኛ ሚስተር ዙ ቢንግ በበኩላቸው በአፍሪካ ቀንድ የሰላማዊ ልማት ኢኒሼቲቭ ስለተባለው የቻይና መንግሥት ምክር ቤት አባል ዋንግ ዪ አፍሪካን በጎበኙበት ወቅት ስለተነሳው ሐሳብ ተናግረዋል።
ቻይና የአፍሪካ ቀንድ ሀገራትን የፀጥታ፣ የልማት እና የአስተዳደር ፈተናዎችን ለመፍታት፣ የአንድነት እና ራስን የማሻሻል ጎዳና እንዲከተሉ መደገፍ ትፈልጋለች ብለዋል።
በቀጣናው ያለውን የባቡርና የወደብ ልማት ለማሳደግ የሚደረገውን ጥረት፣ የቻይና አንድ መንገድ አንድ ቀለበት
ዕቅድ ቁርጠኝነት፣ በልማት ክልላዊ መነቃቃትን ለማፋጠን የቻይና አፍሪካ የትብብር ማዕቀፍ ስምምነቶችን ጠቅሰዋል።
ከዚሁ ጋር በተያያዘ ኢትዮጵያ በአፍሪካ ቀንድ የቀጣናው መልሕቅ ሀገር እንደመኾኗ መጠን ሰላምን በማስፈን ረገድ ገንቢ ሚና እንዳላት ልዩ መልዕክተኛው መግለጻቸውን ከውጭ ጉዳይ ሚኒስቴር ቃል ዐቀባይ ጽሕፈት ቤት የተገኘ መረጃ ያመላክታል።
ኢትዮጵያ እና ቻይና ግንኙነታቸውን ወደ አጠቃላይ ስትራቴጂካዊ የትብብር አጋርነት እ.ኤ.አ በግንቦት 2017 አሳድገዋል።
#ኢትዮጵያን እናልማ፣እንገንባ፣እንዘጋጅ
#ሀገርን በዘላቂነት እናልማ
#የፈረሰውን አብልጠን እንገንባ
#ለማንኛውም ፈተና እንዘጋጅ
ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2RnNHCq
በዌብሳይት amharaweb.com
በቴሌግራም https://bit.ly/2wdQpiZ
ትዊተር https://bit.ly/336LQaS
ቲክቶክ https://bit.ly/32rKF5J
በአሸባሪውና ወራሪው የትግራይ ቡድን በሰቆጣ፣ ቆቦ፣ ወልድያ፣ ላልይበላ፣ ደሴ እና ከሚሴ አካባቢዎች የወደሙና የተዘረፉ የሚዲያ መሳሪያዎችን መልሶ በመገንባት ለሕዝብ አገልግሎት ለመስጠት አሚኮን ይደግፉ።
https://ameco.bankofabyssinia.com/
