ማኅበራዊ ሜዲያን ለበጎ ዓላማ የሚጠቀሙ ግለሰቦችና ተቋማት ዕውቅና የሚያገኙበት የጣና ሽልማት አሸናፊዎች ነገ ይታወቃሉ፡፡

ተሸላሚዎቹ ከጥላቻ ይልቅ ማኅበራዊ አንድነት እንዲጠነክር የሠሩ፣ የሀገራቸውን መልካም ገጽታ ያስተዋወቁና በመሰል አወንታዊ ተግባራት የተሰማሩ ግለሰቦችና ድርጅቶች እንደሆኑም ነው የተገለፀው፡፡

እንደ አቶ ደምስ ገለፃ ዕጩዎቹ 30 በመቶ የሚሆነውን ድምጽ የሚያገኙት ከሕዝብ በተሰጠ ጥቆማና አስተያዬት ነው፤ 70 በመቶ የሚሆነው ደግሞ ከተለያዩ ዘርፎች የተወጣጡ ምሁራን በሚሠጡት ውጤት መሠረት ነው፡፡ ዕጩዎቹ ማኅበራዊ ሜድያን ሲጠቀሙ የሚለቋቸው ፎቶ፣ ተንቀሳቃሽ ምስልና ይዘት እንደሚወዳደሩ ተመላክቷል፡፡

ሽልማቱ ከ2009 ዓ.ም ጀምሮ ሲሰጥ ቆይቷል፡፡ ማኅበራዊ ሜድያን ተጠቅመው ማኅበራዊ ፋይዳ ያላቸውን መረጃዎች የሚያደርሱ ግለሰቦች ቁጥር እየጨመረ መምጣቱንም አዘጋጆቹ አስረድተዋል፡፡ በቀጣይ በሚካሄደው የጣና ሽልማት የዕጩዎችን ቁጥር እንዲጨምርና ለዝግጅቱ የሚያስፈልጉ ተጨማሪ የበጀት ችግሮችን ለመቅረፍ አጋር ድርጅቶች ሊኖሩ እንደሚገባ ተጠቁሟል፡፡

ዘጋቢ፡- ኃይሉ ማሞ