“የአንዳንድ ምዕራባውያን ሀገራት ተዕፅኖ መቋቋም የሚችል፤ ስለኢትዮጵያ መረጃ የሚያቀብል ተዕፅኖ ፈጣሪ ዓለማቀፍ ሚዲያ እንዲፈጠር እና እኔም ለሀገሬ የበኩሌን ለማበርከት ዝግጁ ነኝ” ጋዜጠኛ ሄርሜላ አረጋዊ

አዲስ አበባ፡ ጥር 14/2014 ዓ.ም (አሚኮ) ጋዜጠኛ ሄርሜላ አረጋዊ ምዕራባዊያን በመረጃ በኩል የሚፈጥሩት ተዕፅኖ ጉዳቱ ዘርፈ ብዙ መሆኑንና ኢትዮጵያዊያን በልኩ መመለስ አለብን ብላለች። ጋዜጠኛ ሄርሜላ “እኔም ስለሀገሬ የሚወሩትን የሃሰት መረጃዎች በማስተካከል ትግሌን አጠናክሬ እቀጥላለሁ፤ እኔም እናቴም ስለ ኢትዮጵያ የተሳሳተ መረጃ ህወሃትን ደግፈን እንድናሰራጭ ብዙ ተዕፅኖ ሲደረግ ነበር፤ ነገር ግን እኔና እናቴ ለእውነት እና ለሀገራችን ነበር የወገነው፤ ለእውነት ስንቆምም በርካታ ተዕፅኖዎች ነበሩ” ብላለች።