ሀገር-አቀፉ የፌዴራልና የክልል መንግስታት የሕግ አስፈፃሚዎች የግንኙነት መድረክ እየተካሄደ ነው።

ባሕር ዳር፡ ታኅሣሥ 16/2014 ዓ.ም (አሚኮ) ሀገር-አቀፉ የፌዴራልና የክልል መንግስታት የሕግ አስፈፃሚዎች የግንኙነት መድረክ በአፋር ክልል ሰመራ ከተማ እየተካሄደ ነው።
ጠቅላይ ሚኒስትር ዐቢይ አሕመድ በሚመሩት መድረክ ላይ ምክትል ጠቅላይ ሚኒስትር እና የውጭ ጉዳይ ሚኒስትሩ ደመቀ መኮንንን ጨምሮ የሁሉም ክልሎች ርዕሰ መስተዳድሮች እና የፀጥታ ዘርፍ ኃላፊዎች ታድመውበታል።
መድረኩ ከዚህ በፊት በባሕር ዳር ተካሂዶ በነበረው የመጀመሪያው መድረክ ሀገሪቱ ባጋጠማት የህልውና ዘመቻን አስመልክቶ የተቀመጡ አቅጣጫዎች አጠቃላይ አፈፃፀም እና አሁናዊ ሁኔታን ይገመግማል።
በመድረኩ በቀጣይ አቅጣጫዎች ላይም ውይይት ተደርጎ ውሳኔዎች ይተላለፋሉ ተብሎ ይጠበቃል። መረጃው የኢብኮ ነው
#ተነሳ!!
#መሪህን ተከተል!!
#ሀገርህን አድን!!
#ነፃነትህን አትስጥ !!
#አካባቢህን ጠብቅ!!