አሜሪካ ከ30 ዓመታት በኋላ በሶማሊያ ኤምባሲዋን ከፈተች፡፡

በተለይ ሶማሊያ የአክራሪ ሽብርተኞች መናኸሪያ መሆን በመጀመሯ ከብዙ ሀገራት ጋር የነበራት ዲፕሎማሲያዊ ግንኙነት ተቋርጦ ነው የቆየው፡፡

ከባለፈው ዓመት ጀምሮ ቋሚ ዲፕሎማቶችን በሞቃዲሾ ያስቀመጠችው አሜሪካ ትናንት እንዳስታወቀችው ደግሞ ኤምባሲዋን እንደገና ከፍታለች፡፡

በሶማሊያ የአሜሪካ አምባሳደር ዶናልድ ያማማቶ ‹‹የኤምባሲው መልሶ መከፈት ጉልህ ጠቀሜታ ያለውና ታሪካዊ ነው፡፡ በ2013 (እ.አ.አ) የአሜሪካ መንግሥት ለሶማሊያ የፌዴራል መንግሥት የሰጠውን ዕውቅናም የሚያጠናክር ነው›› ብለዋል፡፡

አሜሪካ የሶማሊያ ትልቋ የዕርዳታ ምንጭ ስትሆን ባለፈው የአውሮፓውያኑ ዓመት ብቻ 730 ሚሊዮን የአሜሪካ ዶላር ድጋፍ አድርጋለች፡፡ አሸባሪውን አልሸባብ በመዋጋት በኩልም አሜሪካ ትልቅ ድርሻ እንዳላት ቢቢሲ ዘግቧል፡፡