“ሕዝብን ለማገልገል መመረጥ ትልቅ እድል ነው” የአማራ ክልል የምክር ቤት አፈ ጉባኤ ወይዘሮ ፋንቱ ተስፋዬ

የክልሉ ሕዝብ በ6ኛው ሀገራዊ ምርጫ ላሳየው ዴሞክራሲያዊ ሥርዓት ምሥጋና ችረዋል። ምክር ቤቱም ሕገ መንግሥትን መሠረት በማድረግ የተጣለበትን ኀላፊነት በታማኝነት እና በቁርጠኝነት ይወጣል ነው ያሉት። በተለይ የሽብርተኛው ትህነግ ወራሪ ቡድን ከምርጫ ማግስት የፈጸመውን ወረራ ለመቀልበስ ከጸጥታ ኃይሎች ጋር በመሆን እንደሚሠራም አስታውቀዋል፡፡

ሽብርተኛው ትህነግ አማራን እና አፋርን በመውረር ኢትዮጵያን ለማፍረስ ጥረት እያደረገ መሆኑን አንስተው የጸጥታ ኃይሉ እና ሕዝቡም ወረራውን ለመቀልበስ መስዋእትነት እየከፈለ ነው ብለዋል። ምክር ቤቱም በክልሉ እና በሀገር ያንዣበበውን አደጋ ለመመከት መከላከያን፣ ልዩ ኃልን፣ ሚሊሻን እና ፋኖን በመደገፍ በቀጣይ በትኩረት የሚሠራ መሆኑን ገልጸዋል፡፡

ከሀገር ውጭም ሆነ ከሀገር ውስጥ የሚገኙ ኢትዮጵያውያን ለህልውና ዘመቻው የሚያደርጉትን ድጋፍ አጠናክረው እንዲቀጥሉ አፈጉባኤዋ ጥሪ አቅርበዋል፡፡

ዘጋቢ፡-አዳሙ ሽባባው