የአጅባር ከተማ የኢትዮጵያ ኦርቶዶክስ ተዋህዶ ክርስትና ሀይማኖት ተከታዮች በቤተ ክርስቲኗ ላይ እየደረሰ ያለውን ግፍ በማውገዝ ሰላማዊ ሰልፍ እያካሄዱ ነው፡፡

በሰልፉ እየተላለፉ ከሚገኙት መልዕክቶች መካከል “ሀገርን ከነድንበሩ፣ ነፃነትን ከነክብሩ፣ ፊደልን ከነቁጥሩ፣ አንድነትን ከነጀግንነቱ ለሀገር ያስረከበች ቅድስት ቤተ ክርስቲያን መቃጠል ፈጽሞ አይገባትም!፤ ቤተ ክርስቲያንን ማቃጠል የኢትዮጵያን የታሪክ አሻራ ማጥፋት ነው፤ የፖለቲካ ነጋዴዎች እጃችሁን ከቤተ ክርስቲያን ላይ አንሱ!” የሚሉት ይጠቀሳሉ፡፡

በሰላማዊ ሰልፉ የእስልምና ሀይማኖት ተከታዮች ተሳትፈዋል፤ በቤተ ክርስቲያኗ እና በምዕመኖቿ ላይ እየደረሰ ያለውን ድርጊትም አውግዘዋል፡፡

ምንጭ፡- የአማራ ሳይንት ወረዳ የመንግስት ኮሚዩኒኬሽን ጉዳዮች ጽህፈት ቤት