ደግነት በተግባር ሲገለጽ…

ባሕር ዳር፡ ነሐሴ 18/2013 ዓ.ም (አሚኮ) ወይዘሮ ደስታ ወልደሰማያት በኮምቦልቻ ከተማ ነው የሚኖሩት፡፡ በከተማዋ ያስገነቡትን አዲስ ሕንፃ በአሸባሪው ትህነግ ወረራ ከሰሜን ወሎ ዞን ለተፈናቀሉ ወገኖች አገልግሎት እንዲውል አድርገዋል። ወይዘሮ ደስታ ለጋስነታቸውን እና መልካምነታቸውንም በተግባር ገልጸዋል። ወይዘሮዋ በኮምቦልቻ ከተማ ያስገነቡትን አዲስ ባለ አራት ወለል ሕንፃ በወር ከ250 ሽህ ብር በላይ በኪራይ ያገኙበታል፡፡ ይሁን እንጅ ሁሉም ነገር ከወገን አይበልጥም ያሉት ወይዘሮ ደስታ ለተፈናቃይ ወገኖች ማረፊያ ይሆን ዘንድ አበርክተዋል። ወይዘሮ ደስታ ለወገኖቻቸው በዚህ መልኩ መደገፍ በመቻላቸው ደስተኛ መሆናቸውንም ለአሚኮ ተናግረዋል።