ሱዳንና ደቡብ ሱዳን የኢጋድ አባል ሀገራት ለሰላማቸው እገዛ እንዲያደርጉላቸው ጠየቁ፡፡

የደቡብ ሱዳን የውጭ ጉዳይ ሚንስትር አውት ዴንግ አኩይ በሃገራቸው የሠላም ሂደቱ የደረሰበትን ዝርዝር ሂደት አስረድተው አባል ሃገራት ድጋፋቸውን እንዲሠጡ ጠይቀዋል። አዲሱን የሱዳን ካቢኔ የተቀላቀሉት የሱዳን የውጭ ጉዳይ ሚንስትር አስማ አብደላ በበኩላቸው የአካባቢው ሃገራትና ኢጋድ አስፈላጊውን ሁሉ ድጋፍ እንዲሠጣቸው ጠይቀዋል።

የአባል ሃገራት ሚንስትሮች አፍሪካዊ መፍትሄ ለአፍሪካ ችግሮች በሚለው መርህ መሠረት ሁለንተናዊ ድጋፋቸውን ለመስጠት ቃል ገብተዋል።

በዝግጅቱ የኢትዮጵያ፣ የጅቡቲ፣ የሱዳን፣ የደቡብ ሱዳን፣ የሶማሊያ የውጭ ጉዳይ ሚንስትሮች እንዲሁም የኬንያና የዩጋንዳ ሚንስትር ዴኤታዎች ተገኝተዋል።

ምንጭ፡- የውጭ ጉዳይ ሚኒስቴር