የወልድያ ከተማ አስተዳደር ነዋሪዎች ለውኃና መብራት አገልግሎት ሰጭ ተቋማት ምስጋና አቀረቡ።

በዚህ አስቸጋሪ ወቅት፣ ሁለቱም አገልግሎት ሰጭ ተቋማት፣ በወርኃ ክረምቱ ዝናብና ነፋስ በሚያይልበት ሰዓት፣ ውኃና መብራት ሳይቆራረጥ፣ ከእስከዛሬው በተሻለ ሁኔታ ተናበው የሚሰጡት አገልግሎት እንዳስደሰታቸው አስተያዬት ሰጭዎች ገልጸዋል።

አስተያዬት ሰጭዎቹ፣ ሁለቱም ተቋማት፣ የክተት ጥሪውን እንደተቀላቀሉ ነው የምንቆጥረው፤ ምክንያቱም ከእስከዛሬው በተለየ ሁኔታ፣ በጣም በርካታ የሀገራችን ዜጎች፣ ከተማችን ላይ በሚገኙበት በአሁኑ ሰዓት፣ የመብራት እና የውኃ ችግር አልተከሰተብንም፤ በዚህም በጣም ደስ ብሎናል። ይህንን አገልግሎት አሰጣጥ፣ ወደፊትም አጠናክረው እንዲቀጥሉ በማለት ገልጸዋል።

ቀደም ሲል በነበረው የአሠራር ሒደታቸው፣ በመብራት ኃይል በኩል የመብራት ምሰሶ ወደቀብኝ፣ በውኃና ፍሳሽ አገልግሎት በኩል ደግሞ የመብራት መጥፋት እና የመብራት ኃይል አለመመጣጠን ችግር ፓምፕ ተቃጠለብኝ በሚል ምክንያት የመብራትና የውኃ መቆራረጦች ይስተዋሉ እንደነበር የወልድያ ከተማ ኮምዩኒኬሽን አስታውቋል።

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2RnNHCq
በዌብሳይት amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m