“ትህነግን በቆፈረችው ጉድጓድ እንቀብራለን፤ ኢትዮጵያን ከጠላት ፅዱ አድርገን የጀግኖች አባቶቻችን ታሪክ እንደግማለን” የዳባት ከተማ ውትድርና ሰልጣኝ ወጣቶች

“ትህነግን በቆፈረችው ጉድጓድ እንቀብራለን፤ ኢትዮጵያን ከጠላት ፅዱ አድርገን የጀግኖች አባቶቻችን ታሪክ እንደግማለን” የዳባት ከተማ ውትድርና ሰልጣኝ ወጣቶች

ባሕር ዳር፡ መጋቢት 06/2013 ዓ.ም (አብመድ) በርካታ የዳባት ከተማ ወጣቶች መንግሥት ያስተላለፈውን የክተት ጥሪ ተቀብለው ጠላትን በግንባር ለመዋጋት የውትድርና ስልጠና እየወሰዱ ይገኛሉ፡፡ ከሰልጣኞቹ መካከል የዳባት ወረዳ ገንዘብና ኢኮኖሚ ግዥ ባለሙያ የሆነው ሙሳ ይርጋ “የተሰጠንን ወታደራዊ ስልጠና ተጠቅመን፣ ሴት፣ ወንድ፣ ሳንል በተባበረ ክንዳችን ሊበላን ያሰፈሰፈውን ጠላት እስከመጨረሻው ለመዋጋት ዝግጁ ነን” ብሏል፡፡

የመንግሥት ክተት ጥሪ ከተላለፈበት ዕለት ጀምሮ የዳባት ከተማ ወጣት ወደ ጦር ግንባር ሄዶ አሸባሪውን ትህነግ ለመዋጋት በአንድ ልብ ተነስቷል ያለን ደግሞ በስልጠናው ያገኘነው የዳባት ከተማ የአማራ ወጣቶች ማኅበር ሥራ አስፈፃሚ ወጣት መካሻው አምባቸው ነው፡፡ ወጣት መካሻው “ትህነግ ጦርነት የከፈተው አማራን አጥፍቶ የኢትዮጵያን ታሪክ ሊያበላሽ፣ ሕዝቦቿን ሊያዋርድ፣ ለውጭ ወራሪ አሳልፎ ሊሰጣት ነው፡፡ ይሄን እኩይ ቡድን ከቆፈረው ጉድጓድ ቀብረን ኢትዮጵያን ከጠላት ጽዱ አድርገን የአባቶቻችንን ታሪክ ለመድገም ዝግጁ ነን” ብሏል፡፡