ኮሚሽኑ አዲሱን የፕሪሚዬር ሊግ “ፎርማት” ውድቅ አደረገ።

በመጨረሻም የየምድቦቹ አሸናፊዎች ለዋንጫ እንዲጫወቱ በሚል ነበር ፌዴሬሽኑ “ፎርማቱን” ያቀረበው።

የኢፌዴሪ ስፖርት ኮሚሽን አዲስ የሊግ ፎርማቱን በተመለከተ ከክልል እና ከከተማ አስተዳድር ስፖርት ፌዴሬሽኖች ጋር ዛሬ መክሯል። በምክክሩም ፌዴሬሽኑ ያቀረበው አዲስ የሊግ “ፎርማት” ውድቅ እንዲሆን ወስኗል። በበቂ ጥናት ላይ አለመመስረቱ፣ ሕዝብን ከሕዝብ የሚያራርቅ መሆኑ እና በክለቦች ተቀባይነት አለማግኘቱ ውድቅ ለመደረጉ ምክንያቶች ናቸው።

አማራጭ መፍትሔ ባልቀረበበት ምክክር ክለቦች እና ፌዴሬሽኑ ተመካክረው አዲስ የሊግ አሠራር እንዲያስቀምጡ ነው ኮሚሽኑ ውሳኔ ያሳለፈው።

አዲሱ የውድድር አማራጭ በእግር ኳስ ባለሙያዎች፣ በክለቦች እና በስፖርቱ ቤተሰቦች ተቀባይነት አላገኘም ነበር።