ሁሉም ኢትዮጵያዊ ሽብርተኛውን ትህነግ ለመደምሰስ በሚደረገው ዘመቻ ሁለንተናዊ ድጋፉን አጠናክሮ እንዲቀጥል የአዲስ አበባ ሴቶች ማኅበር ጥሪ አቀረበ፡፡

በሥልጣን ላይ በነበረበት ወቅት ለትግራይ ሕዝብ አንዳች የሚረባ ነገር ያልሠራው ሽብርተኛው ትህነግ ዛሬም በሐሰት ፕሮፓጋንዳ ሕዝቡን ከሌላው ሕዝብ ጋር ለማጋጨት እና ደም ለማፋሰስ እየሠራ መሆኑን ነው ያስረዱት፡፡ ሁሉም ኢትዮጵያዊ ሀገርን ለማፍረስ እየሠራ ያለውን ሽብርተኛውን ትህነግ ለመደምሰስ በሚደረገው ዘመቻ ሁለንተናዊ ድጋፉን አጠናክሮ እንዲቀጥል ፕሬዝዳንቷ ጥሪ አቅርበዋል፡፡

ሽብርተኛው ትህነግ የትግራይ ብሎም የሁሉም የኢትዮጵያ ሕዝብ የጋራ ጠላት መሆኑን ነው ፕሬዝዳንቷ የገለጹት፡፡ የሀገር መከላከያ ሠራዊትን ከጀርባ በመውጋት የፈጸመው ክህደት ሌላኛው ማሳያ ነው ብለዋል፡፡

ዛሬም ሽብርተኛ ቡድኑ እየፈጸመ ያለውን ጥፋት ሁሉም ኢትዮጵያዊ በቃ ማለቱን ነው ወይዘሮ ሁሉሀገርሽ የገለጹት፡፡ ከዚህ ሽብርተኛ ቡድን የጥፋት ተልዕኮ
ሀገርን እና ሕዝብን ለማዳን በሚደረገው ዘመቻ ሁለንተናዊ ድጋፍ እንደሚያደርግ አስታውቀዋል፡፡

ዘጋቢ:- ትርንጎ ይፍሩ

ተጨማሪ መረጃዎችን ከአሚኮ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
ዩቱዩብ https://bit.ly/2RnNHCq
በዌብሳይት amharaweb.com
በቴሌግራም https://bit.ly/2wdQpiZ
ትዊተር https://bit.ly/37m6a4m