በጣና ሃይቅ ላይ ስትጓዝ የተሰወረችው ጀልባ ካፒቴን አስከሬን መገኘቱን የምሥራቅ ደንቢያ ወረዳ ፖሊስ ጽሕፈት ቤት አስታወቀ፡፡

በጣና ሃይቅ ላይ ስትጓዝ የተሰወረችው ጀልባ ካፒቴን አስከሬን መገኘቱን የምሥራቅ ደንቢያ ወረዳ ፖሊስ ጽሕፈት ቤት አስታወቀ፡፡

ባሕር ዳር፡ ሐምሌ 13/2013 ዓ.ም (አሚኮ) በጣና ሃይቅ ላይ 13 የሚደርሱ ሰዎችን አሳፍራ ስትጓዝ የነበረችን ጀልባ መሰወር ተከትሎ ፖሊስ ተሳፋሪዎችን ለማግኘት የተጠናከረ አሰሳ እያደረገ እንደሚገኝ በተደጋጋሚ መዘገባችን ይታወሳል፡፡ ፖሊስ ባደረገው አሰሳ ትናንት የሰባት ሰዎች አስከሬን መገኘቱን አስታውቆ ነበር፡፡ ቀሪ ሰዎችን ለማግኘት ፖሊስ አሰሳውን መቀጠሉን መናገሩንም አሚኮ ዘግቦ ነበር፡፡ ፖሊስ ባደረገው አሰሳም የጀልባዋ ካፒቴን አስከሬን መገኘቱን በማዕከላዊ ጎንደር ዞን ምሥራቅ ደንቢያ ወረዳ ፖሊስ ጽሕፈት ቤት ኃላፊ ምክትል ኮማንደር ቸርነት አስማረ ለአሚኮ ገልጸዋል፡፡

ጀልባዋ የተሰወረችው በወረዳው አዲሰጌ ድንጌ ተብሎ ከሚጠራ ቀበሌ መነሻዋን በማድረግ ወደ ጎርጎራ ጉዞ ከጀመረች በኋላ ነው።