በአማራ ክልል ሰላማዊ ሰልፎቹ በሰላም ተጠናቅቀዋል፡፡

መንግሥት ለጉዳዩ ትኩረት እንዲሠጠው፣ በቤተ ክርስቲያኗ እና ምዕምኖቿ ላይ ጥቃት ያደረሱ አካላትንም ተጠያቂ እንዲያደርግ በሰልፎቹ ተጠይቋል፡፡

ጥቃት የደረሰባቸው አብያተ ክርስቲያናት እንዲሰሩ እና ለተጎዱ ወገኖችም ተገቢው ካሳ እንዲከፈልም ጥያቄ አቅርበዋል፡፡

ሰልፎቹ በባሕር ዳር፣ በደብረ ማርቆስ፣ በብቸና፣ በደጀን፣ በሞጣ፣ በደብረ ብርሃን፣ በማጀቴ፣ በጫጫ፣ በአረርቲ፣ በመሐል ሜዳ፣ በፍኖተ ሠላም፣ በቡሬ፣ በመርዓዊ፣ በደባርቅ፣ በዳባት፣ በአዲ አርቃይ፣ በጯሂት፣ በወልድያ፣ በላልይበላ፣ በውጫሌ፣ በጋዞ ወረዳ፣ በአይና ቡግና ወረዳ፣ በመርሳ፣ በራያ ቆቦ፣ በወረኢሉ፣ በደላንታ፣ በዋድላ፣ በዳንግላ፣ በዱር ቤቴ፣ በአዲስ ዘመን እና በሌሎችም ከተሞች ተካሂደዋል፡፡

የአቋም መግለጫዎችን በማሰማት ሰልፎቹ በሠላም መጠናቀቃቸውንም በየከተሞቹ የሚገኙ ዘጋቢዎቻችንና ምንጮቻችን መረጃ አድርሰውናል፡፡

ፎቶ፡- ከአብመድ ዘጋቢዎች እና ከማኅበራዊ ድረ ገጽ