“የኢትዮጵያ ኦርቶዶክስ ተዋህዶ ቤተ ክርስቲያን የኦሮሞውም፣ የትግራዩም፣ የከንባታውም … የሁሉም ናት::” የባሕር ዳር ሀገር ስብከት ሊቀ ጳጳስ አቡነ አብርሃም

ባሕር ዳር፡ መስከረም 11/2012 ዓ.ም (አብመድ) የኢትዮጵያ ኦርቶዶክስ ተዋህዶ ቤተ ክርስቲያንን ለአንድ ብሔር መስጠት ተገቢነት እንደሌለው የባሕር ዳር ሀገር ስብከት ሊቀ ጳጳስ አቡነ አብርሃም አስገነዘቡ፡፡

“የኢትዮጵያ ኦርቶዶክስ ተዋህዶ ቤተ ክርስቲያንን ለአንድ ብሔር የሚሰጡ አካላት አሉ፤ ነገር ግን ቤተ ክርስቲያኗ የኦሮሞውም፣ የትግራዩም፣ የከንባታውም … የሁሉም ኢትዮጵያውያን ናት” ብለዋል አቡነ አብርሃም ዛሬ በባሕር ዳር ከተማ በተካሄደው የሰልፍ ሥነ ሥርዓት ላይ ባስተላለፉት መልዕክት፡፡ ፖለቲካ ከሐይማኖት ጋር መቀላቀል የለበትም ሲሉም አሳስበዋል፡፡