የእንስሳት ሀብት ልማት ዘርፉን ለማጠናከር ዓላማ ያደረገ የንግድ ትርኢት በባሕር ዳር ከተማ እየተካሄደ ነው።

የንግድ ትርኢቱን የአማራ ክልል እንስሳት ሀብት ልማት ኤጀንሲ ከኤሲዲ አይ ቮካ ጋር በመተባበር ነው ያዘጋጀው። የአማራ ክልል እንስሳት ሀብት ልማት ኤጀንሲ ምክትል ሥራ አስኪያጅ አቶ ፈንቴ ቢሻው በክልሉ በርካታ የእንስሳት ሀብት ቢኖርም የሚጠበቀውን ያክል ምርት እየሰጠ አለመሆኑን አስረድተዋል።

ዘርፉን ለማሳደግም የሌሎች አጋር አካላት ቅንጅታዊ አሠራር ወሳኝ መሆኑን አመልክተዋል።
በእንስሳት ልማት ዘርፉ የሚታዩ ችግሮችን በመቅረፍ ውጤታማ ለመሆን ዓላማ ያደረገ የግማሽ ቀን የፓናል ውይይት ይካሄዳል ተብሎም ይጠበቃል።

ዘጋቢ:- ሀይሉ ማሞ