የኢትዮ-ቴሌኮም የሰሜን ሰሜን ምዕራብ ሪጅን በጎንደር ከተማ ለሚገኙ ሁለት ትምህርት ቤቶች የደብተርና የልዩ ልዩ ቁሳቁሶች ድጋፍ አደረገ።

ዳይሬክተሩ እንደጠቀሱት የሪጂኑ ሠራተኞች ደግሞ በግል መነሳሳት ከ53 ሺህ 500 ብር በላይ በማሰባሰብ በፃዲቁ ዮሐንስ አጠቃላይ 1ኛ ደረጃ ትምህርት ቤት ውስጥ ለሚገኙ የልዩ ፍላጎት ተማሪዎች ድጋፍ አድርገዋል። በዚህም የራዲዮና ፍላሽ፣ ዳይፐርና ሞዴስ፣ ሶፍት፣ ሳሙና፣ የብሬል ወረቀት፣ ፎጣ እና የራዲዮ ቻርጀር ድጋፍ አድርገዋል። በዚህም 55 ማየት የተሳናቸው፣ 56 መስማት የተሳናቸውና 38 የአዕምሮ ዕድገት ውስንነት ያለለባቸው የልዩ ፍላጎት ተማሪዎች ተጠቃሚ ሆነዋል።

አብመድ ያነጋገራቸው ወላጆች፣ መምህራንና ርዕሰ መምህራን የተደረገላቸው እገዛ ለተሻለ የትምህርት ሥራ የሚያነሳሳና አቅም ለሌላቸው ተማሪዎች መልካም መሆኑን ጠቅሰው ምስጋና አቅርበዋል።

ከዚህ ተሞክሮ በመውሰድም ሌሎች ተቋማት ለተማሪዎችና ለትምህርት ቤቶች ድጋፍ እንዲያደርጉ ጠይቀዋል።

ዘጋቢ- ፍፁምያለምብርሃን ገብሩ -ከጎንደር