በመምህርነት ሲያገለግሉ የነበሩ ባለሙያዎች ሀጋራዊ ኃላፊነታቸውን ለመወጣት ዝግጅት እንዲያደርጉ ተጠየቀ፡፡

በዚህም ወቅት በትምህርት ቤቶች የመምህራን እጥረት እንዳይኖር ለማድረግ ከዚህ ቀደም በመምህርነት ሲያገለግሉ የነበሩና የመምህርነት ስልጠናን ወሰደው ሌላ ዘርፍ የተቀላቀሉ ባለሙያዎች በየአካባቢያቸው በሚገኙ ትምህርት ቤቶች ተመልሰው ሀገራዊ ኃላፊነታቸውን እንዲወጡ ጥሪ ቀርቧል፡፡

የትምህርት ሚኒስትር ጌታሁን መኩሪያ (ዶክተር) “እኔም አስተምራለው” በሚል መሪ ሐሳብ ከሰኞ ጀምሮ በሁሉም የኢትዮጵያ ክፍሎች ከዚህ ቀደም በመምህርነት ሲያገለግሉ የነበሩና በመምህርነት ሙያ የሰለጠኑ ባለሙያዎችን የመመዝገብ ሥራ እንደሚካሄድ አስታውቀዋል።

በዚህም መሠረት ባለሙያዎች በአቅራቢያቸው ባሉ ትምህርት ቤቶች በመሄድ እና በመመዝገብ የትምህርቱን ዘርፍ በሙያቸው እንዲያግዙ ሚኒስትሩ ጥሪ ማቅረባቸውን የትምህርት ሚኒስቴር በማኅበራዊ ገጹ አስታውቋል።

ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡