ኢትዮጵያ የምድቧ የበላይ ሆና ለማጠናቀቅ ኬንያን ትገጥማለች።

ይህ ጨዋታ በሁለት ምድብ ተከፍሎ ነው ሲካሄድ የቆየው። በምድብ አንድ የተደለደለችው ኢትዮጵያ ዛሬ ኬንያንን ትገጥማለች።

በዛሬው ጨዋታ ሁለቱ ቡድኖች ቀድመው ወደ ግማሽ ፍጻሜ ማለፋቸውን ቢያረጋግጡም ምድቡን በበላይነት ሆኖ ለማጠናቀቅ ፍክክር ያደርጋሉ።

ሁለቱ ቡድኖች አንዱ ሌላውን በማሸነፍ ምንያክል ጥንካሬ እንዳለው ይፈታተሹበታል።

በምድብ አንድ ላይ የምትገኘው ኢትዮጵያ በሰባት ነጥብ በግብ ክፍያ በልጣ በተመሳሳይ ነጥብ ላይ ከምትገኘው ኬንያ ጋር የሚያደርጉት ጨዋታ በመኾኑ ማን በበላይነት ምድቡን እየመራ ሊያጠናቅቅ ይችላል የሚለውን የሚመልስ ጨዋታ ነው።

ጨዋታውም 10፡00 ላይ በአዲስ አበባ ስታዲየም ይካሄዳል፡፡

በተመሳሳይ ዛሬ ከምድባቸው የተሰናበቱት ደቡብ ሱዳን እና ሩዋንዳ የመርሐ ግብር ማሟያ ጨዋታቸውን 7፡00 ላይም ያደርጋሉ።

ከምድብ ሁለት ደግም በድሬዳዋ ስታዲየም በስድስት ነጥብ ሁለተኛ ላይ ያላችው ዩጋንዳ ከጂቡቲ ምሽት 1፡00 ላይ ሲጫዎቱ ሱዳን ከቡሩንዲ ቀን 10፡00 ላይ የሚጫወቱ ይሆናል።

የአሚኮ ዲጂታል ሚዲያ ቤተሰብ ይሁኑ!

ለኅብረተሰብ ለውጥ እንተጋለን!