የአውሮፓ ሀገራት የዓለም ዋንጫ ማጣሪያ ጨዋታዎች

ምድብ ሁለትን በ10 ነጥብ እና በዘጠኝ ንጹሕ የግብ ክፍያ እየመራች የምትገኘው ስዊዘርላንድ በአንድ ነጥብ ግርጌ ላይ ከተቀመጠችው ስዊድን ጋር ምሽት 4:45 ትጫወታለች።

በሌላ የምድብ ሁለት ጨዋታ ከአራት ጨዋታዎች ሦስት ነጥብ የያዘችው ስሎቫኒያ እና በሰባት ነጥብ እና በአንድ የግብ ዕዳ ከምድቡ በሁለተኛነት ከምትገኘው ኮሶቮ ጋር ምሽት 4:45 ጨዋታቸውን ያደረጋሉ።

በ10 ነጥብ ምድብ ሦስትን የምትመራው ዴንማርክ እስካሁን ያደረገቻቸውን አራት ጨዋታዎች ከተሸነፈችው ቤላሩስ ጋር ትጫወታለች። ጨዋታው ምሽት 4:45 ላይ የሚካሄድ ይኾናል።

በሌላ የምሽት ጨዋታ 2:45 ላይ 10 ነጥብ ብትይዝም በስድስት የግብ ክፍያ በዴንማርክ የተበለጠችው ስኮትላንድ ወደ ግሪክ አምርታ ትገጥማለች።

በምድብ አምስት ጆርጅያ ከስፔን፣ ተርክዬ ከቡልጋሪያ ምሽት 2:00 ላይ ይጫወታሉ። በጨዋታው ስፔን ድል አድርጋ ተርክዬ ነጥብ ከጣለች ስፔን በቀጥታ አላፊ ትኾናለች።

በምድብ ስምንት ቆጵሮስ ከኦስትሪያ ምሽት 2:00፤ ቦሲኒያ ሄርዝጎቪኒያ ከሩማኒያ ምሽት 4:45 ላይ ይጫወታሉ።

ምድብ 10 ላይ ካዛኪስታን ከቤልጀየም ቀን11:00 ላይ የሚጫወቱ ይኾናል። ቤልጀየም ካሸነፈች አላፊ ትኾናለች። በዚሁ ምድብ ሌችስታይን ከዌልስ ምሽት 2:00 ላይ ይጫወታሉ ሲል ቢቢሲ በድረ ገጹ አስነብቧል።

በሙሉጌታ ሙጨ

የአሚኮ ዲጂታል ሚዲያ ቤተሰብ ይሁኑ!

ለኅብረተሰብ ለውጥ እንተጋለን!