ከተጠባቂ ጨዋታዎች መካከልም በአውሮፓ ቻምፒዎንስ ሊግ የዘንድሮ ሶስቱንም ጨዋታዎች በማሸነፈ 9 ነጥብ ያለው አስቶን ቪላ ከሜዳዉ ውጪ ከሀንሲ ፍሊኩ ባርሴሎና ጋር ይጫወታል::
ባርሴሎናዎች የውድድሩ የተከታታይ አመት ባለክብር በሆነው ፓሪሴንት ዥርሜ የደረሰበትን የ4 ለ 2 ሽንፈት በድል ለመካስ የሚታትርበት ጨዋታ ነው። የአስቶን ቪላው አሰልጣኝ ኡናይ ኢምሪ 55ኛ አመት የልደት ቀናቸውን በድል ማጀብም ይፈልጋሉ።
በመሆኑም በጨዋታው ከፍተኛ ፉክክር ይጠበቃል::
በሌላ በኩል አትሌቲኮ ማድሪድ የጀርመኑን ሀያል ክለብ ባየር ሙኒክን በዋንዳ ሜትሮፖሊታኖ ስታዲየም ያስተናግዳል።
ሁለቱ ቡድኖች የዘንድሮ የመድረኩ ጅማሯቸው በሚጠበቀው ልክ አይደለም። ባየር ሙኒክ ባለፉት ሶስት የአዎሮፓ ቻምፒዎንስ ሊግ ጨዋታዎች መካከል በአንዱ አሸንፎ በሁለቱ ነጥብን በመጋራት 14ኛ ደረጃ ላይ ይገኛል::
በአንፃሩ አትሌቲኮ ማድሪድ አንድ ጨዋታን አሸንፎ በአንዱ ሽንፈትን አስተናግዶ እንዲሁም አንድ ጊዜ አቻ የወጣ ሲሆን በ16 ደረጃ ላይ ይገኛል::
ሌላው ተጠባቂ ጨዋታ ለተከታታይ ጊዜ በአውሮፓ ቻምፒዎንስ ሊግ መድረክ ላይ የነገሰውና ሊጉን በ9 ነጥብ እየመራው የሚገኘው ፓሪሰንት ጀርመን ከስፔኑ ቪያሪያል ጋር ከሜዳው ዉጪ ጨዋታውን ያደርጋል::
በሊውስ ኢንሪኬ እየተመሩ አስገራሚ ብቃት እያሳዩ ያሉት ፓሪሰንት ጀርሜዎች ከባድ ፈተና ከቪያሪያል ይጠብቃቸዋል:: መሪነታቸውን ለማስጠበቅም ሙሉ 3 ነጥብ ለማሳካት ይጥራሉ። ነገር ግን 4ሁነኛ ተጨዋቾች ማለትም ደምበሌ፤ ክቫርስኬልያ ኑኖ ሜንዴዝ እና ማርኪንሆስ ጉዳት ላይ መሆናቸው የኢንሪኬን የታክቲክ ነፃነት ይነፍጋል።
በሌላ በኩል ማንችስተር ዩናይትድ ከ ሮማ ይጫወታሉ:: በተደጋጋሚ ሽንፈትን እያስተናገዱ የሚገኙት በአሰልጣኝ ማይክል ካሪክ የሚመሩት ቀያይ ሰይጣኖቹ የጣሊያኑን ክለብ ሮማ በሜዳቸው ኦልድትራፎርድ ያስተናግዳሉ:: ሮማ በሴሪኤውም ይሁን በአውሮፓ መድረክ ካለፉት አመታት አቋሙ በተሻለ ደረጃ ይገኛል።
የጣሊያኑ ሀያል ክለብ ኢንተር ሚላን ከፌይኖረድ ጋር ይጫዎታል:: በአሰልጣኝ ክርስቲያን ኪቩ የሚመራዉ ኢንተር ሚላን ከ 3 ጨዋታ በሁለቱ ተሸንፎ 20ኛ ደረጃ ላይ ይገኛል:: ካለበት የደረጃ ሰንጠረዥም ከፍ ለማለት ከሜዳዉ ውጪ አቅንቶ ከፌይኖርድ ጋር ይገናኛል:: በሌሎች
መርሀግብሮች ቦዶ ግሊምት ከሊል ጋር የሚገናኙ ሲሆን ላስክ ስሎቫን በራቲስላቭ ጋረ ይጫዎታል። እነዚህ ጨዋታዎች ምሽት 5:00 ሰዓት ላይ የሚደረጉ ጨዋታዎች ሲሆኑቀደም ብሎ ምሽት 2:45 ላይ ደሞ ጋላታሳራይ ከስቱትጋርት እንዲሁም ሻክታር ከስፖርቲንግ ጋር ይካሄዳሉ::
የጋዜጠኝነት ትምህርት የተግባር ተለማማጅ (ዮሴፍ የኔዓለም)
የአሚኮ ዲጂታል ሚዲያ ቤተሰብ ይሁኑ!
