የእንግሊዝ ፕሪምዬር ሊግ ዛሬ በተጠባቂ ጨዋታዎች ይመለሳል።

በዛሬው ጨዋታ ትኩረት ያገኘው 8፡30 ላይ የሚካሄደው አርሰናል ከኖቲንግሀም ፎረስት ጋር የሚያደርጉት ጨዋታ ነው።

በሦሥተኛ ሳምንት በሊቨርፑል 1ለ0 የተሸነፈው አርሰናል ወደ አሸናፊነት ለመመለስ ከኖቲንግሃም ፎረስት ጋር በሜዳው ይጫወታል።

ክለቡ ከፎረስት ጋር ባለፉት ጊዜያት ባደረጋቸው ስድስት ጨዋታዎች የበላይነት አለው።

ከ1989 ወዲህ ፎረስትን በራሱ ሜዳ 14 ጊዜ ገጥሞ ያልተሸነፈው አርሰናል ዛሬስ ታሪኩን አስጠብቆ ይቀጥል ይኾን ? የሚለው ይጠበቃል።

ኖቲንግሃም ፎረስት በፕሪምዬር ሊጉ ከአርሰናል ጋር ከተጫወታቸው 16 ጨዋታዎች ሁለቱን ብቻ ነው ያሸነፈው።

በቅርቡ ፖስቴኮግሉን የሾመው ኖቲንግሃም ፎረስት በአዲሱ አሠልጣኝ እየተመራ የዛሬውን ጨዋታ ያደርጋል፡፡

በሌሎች ጨዋታዎች ኒውካስትል ከዎልቭስ፣ ፉልሀም ከሊድስ ዩናይትድ፣ ኤቨርተን ከአስቶን ቪላ፣ ፓላስ ከሰንደርላንድ እና ቦርንማውዝ ከብራይተን ይገናኛሉ። ሁሉም ጨዋታዎች ቀን 11፡00 ይደረጋሉ፡፡ ምሽት 1፡30 ዌስትሃም ዩናይትድ ከቶተንሃም ሆትስፐር እና ብሬንትፎርድ ከቼልሲ ምሽት 4፡00 ላይ ይጫዎታሉ።

ዘጋቢ:- ምስጋናው ብርሃኔ

ለኅብረተሰብ ለውጥ እንተጋለን!